Thursday, July 9, 2009

Batas Moral-Batas ng Kabutihan

Ano nga ba ang batas moral?Ito ang batas na nagtatakda ng kilos at ng galaw ng tao kung tama o mali.Ito rin ay gumagabay sa atin sa araw-araw nating pamumuhay.Sinasabi rin namang isa itong tungkulin na nalilinang ng tao dahil sa hinihingi ito ng kanyang kapaligiran at nakaukit sa kanyang pagkatao tulad ng Sampung Utos ng Diyos na hindi naman isinasabuhay ng marami sa atin.
Bakit nga ba tayo nilikha ng Diyos?Nilikha Niya tayo para makapaglingkod,magmahal,at higit sa lahat ay upang makilala Siya subalit hindi lamang ang Diyos ang dapat na mahalin pati na rin ang ating kapwa.Narito tayo sa mundong ibabaw para maglingkod hindi upang paglingkuran.
Kapag napagtanto ng tao ang mga batas na ito,lalong titibay ang ating pananampalataya sa Panginoon.Mas mabuti kung pahahalagahan natin ang mga batas na ito.Gamitin natin ang ating mga talento o talino sa pagtuklas ng mga bagy ukol sa Kanya.Ang mga batas na ito ang magbibigay sa atin ng pag-asa,at magtuturo sa tamang landas at kabutihan.Mapapaunlad din natin ang ating pagkatao sa pagsunod.Kailangan lamang natin ay magnilay,manampalataya,isapuso at isabuhay..

1 comment:

  1. hmm .. nakatulong po ito sa assignment ko ..!! salamat salamat salamat ..!! keep on giving us knowledge ..!! Ü
    --cryssa

    ReplyDelete